శ్రీ గణేశ(గణపతి)సూక్తం:
ఆ తూ న ఇంద్ర క్షుమంతం చిత్రం గ్రాభం సం గృభాయ।
మహాహస్తీ దక్షిణేన।। (1)
విద్మా హి త్వా తువికూర్మిం తువిదేష్ణం తువీమఘమ్।
తువిమాత్రమవోభిః।। (2)
న హి త్వా శూర దేవా న మర్తాసో దిత్సంతమ్।
భీమం న గాం వారయంతే।। (3)
ఏతోన్వింద్రం స్తవామేశానం వస్వః స్వరాజమ్।
న రాధసా మర్ధిషన్నః।। (4)
ప్ర స్తోషదుప గాసిషచ్ఛ్రవత్సామ గీయమానమ్।
అభిరాధసాజుగురత్।। (5)
ఆ నో భర దక్షిణేనాభి సవ్యేన ప్ర మృశ।
ఇంద్ర మా నో వసోర్నిర్భాక్।। (6)
ఉపక్రమస్వా భర ధృషతా ధృష్ణో జనానామ్।
అదాశూష్టరస్య వేదః।। (7)
ఇంద్ర య ఉ ను తే అస్తి వాజో విప్రేభిః సనిత్వః।
అస్మాభిః సుతం సనుహి।। (8)
సద్యోజువస్తే వాజా అస్మభ్యం విశ్వశ్చంద్రాః।
వశైశ్చ మక్షూ జరంతే।। (9)
గణానాం త్వా గణపతిం హవామహే కవిం కవీనాముపమశ్రవస్తమమ్।
జ్యేష్ఠరాజం బ్రహ్మణాం బ్రహ్మణస్పత ఆ నః శృణ్వన్నూతిభిస్సీద సాదనమ్।। (10)
ని షు సీద గణపతే గణేషు త్వామాహుర్విప్రతమం కవీనామ్।
న ఋతే త్వత్క్రియతే కిం చనారే మహామర్కం మఘవంచిత్ర్రమర్చ।। (11)
అభిఖ్యానో మఘవన్నాధమానాంత్సఖే బోధి వసుపతే సఖీనామ్।
రణం కృధి రణకృత్సత్యశుష్మాభక్తే చిదా భజా రాయే అస్మాన్।। (12)
ఇతి శ్రీ గణేశ(గణపతి)సూక్తం సంపూర్ణమ్. ।
